- Mae'r cynllun ffyrlo wedi cael ei ymestyn tan fis Mawrth 2021. Bydd y cynllun yn cefnogi 80% o gyflog gweithwyr, hyd at £2,500 y mis.
- Bydd ceisiadau ar gyfer y trydydd grant o dan y Cynllun Cymorth Incwm i'r Hunangyflogedig yn agor ar 30 Tachwedd 2020. Rhoddir grant o 80% o gyfartaledd elw, hyd at £7,500 ar gyfer cyfnod o dri mis.
Mae amodau ychwanegol wedi cael eu cyhoeddi ar gyfer y grant yma, gan gynnwys gofyniad i'r ymgeisydd gadarnhau bydd eu helw yn is eleni o achos Covid-19.
- Bydd gwyliau talu morgais o hyd at 6 mis yn parhau i fod ar gael o achos Covid-19, os byddwch chi'n cysylltu â'ch benthyciwr. Cofiwch y bydd llog yn parhau i gronni ar y symiau sy'n ddyledus.
- Sgamiau newydd i fod yn ymwybodol ohonynt:
- Gan ein bod yn agosau at ddyddiad cau cyflwyno ffurflenni treth 2019-2020, mae sgamwyr sy'n honni eu bod o'r Swyddfa Dreth wedi dechrau ffonio pobl yn bygwth y byddwch yn cael eich arestio os na byddwch yn rhoi eich manylion banc.
- Byddwch yn ofalus o wasanaethau sy'n cynnig treial am ddim ond sy'n dal i ofyn am eich manylion banc. Rydym wedi gweld sawl enghraifft yn ddiweddar o unigolion yn tanysgrifio am wasanaeth am ddim ond yn anghofio dad-danysgrifio ac wedi talu £20 y mis dros cyfnod o flwyddyn cyn eu bod yn sylweddoli hyn. Gwiriwch eich datganiadau banc yn ofalus.
Cwestiynau Huw ac Aled: mae fy ngŵr yn cadw derbynebau ac anfonebau ein cyfrifon ers yr ugain mlynedd diwethaf. Beth yw rheolau'r Swyddfa Dreth o ran cadw cofnodion? Oes angen i ni gadw'r cofnodion i gyd?
Mae'r Swyddfa Dreth yn gofyn i chi gadw'ch cofnodion am o leiaf 5 mlynedd ar ôl y dyddiad cau o 31 Ionawr ar gyfer y flwyddyn dreth perthnasol neu, os yw hyn yn haws i gofio, i gadw cofnodion am 7 mlynedd o ddechrau'r flwyddyn dreth dan sylw.
Ein cyngor ni, felly, yw i chi gadw'ch cofnodion o 6 Ebrill 2013 ymlaen a gwaredu'r gweddill.
