- Bydd ceisiadau am y pedwerydd grant o dan y Cynllun Cymorth Incwm Hunangyflogaeth yn agor "o ddiwedd Ebrill 2021" yn ôl gwefan y Llywodraeth. Bydd hyn yn seiliedig ar 80% o gyfartaledd elw. Ceir y manylion yn llawn yma:
https://www.gov.uk/guidance/claim-a-grant-through-the-self-employment-income-support-scheme.cy
- Os ydych chi'n gweithio fel contractwr llawrydd, efallai bydd y rheolau IR35 newydd a ddaeth i rym ar 6 Ebrill 2021 yn cael effaith arnoch chi. Mae'r rheolau hyn wedi rhoi mwy o faich ar gwmnïau sy'n cyflogi contractwyr i asesu a ddylid eu trin fel gweithwyr ar y gyflogres. Mae'r Swyddfa Dreth wedi cyhoeddi teclyn ar-lein a all helpu unigolion i asesu effaith posib y canllawiau IR35 newydd:
https://www.gov.uk/guidance/check-employment-status-for-tax
- Yn dilyn y Gyllideb ym mis Mawrth, mae sawl benthyciwr ar y stryd fawr wedi lansio morgais 95%. Nod rhain yw i helpu pobl ifanc i brynu tai. Gwnewch yn siwr eich bod yn ymchwilio'r opsiynau morgais yn fanwl i ddarganfod y bargeinion gorau.
- Byddwch yn wyliadwrus o e-byst a thaflenni sy'n hysbysebu am gyfleoedd i fuddsoddi mewn cyrchfannau gwyliau. Yn aml iawn, dyw'r enillion addawedig ddim yn cynnwys y ffioedd sylweddol sy'n daladwy ac maent yn seiliedig ar gyfraddau deiliadaeth afrealistig.
- Mae'r Swyddfa Dreth wedi lansio ap sy'n caniatáu i ddefnyddwyr i gael mynediad i'w holl data treth incwm mewn un lle. Er enghraifft, os buoch chi'n gweithio i sawl cyflogwr yn ystod y flwyddyn dreth, ond rydych wedi colli'r P60 neu P45, dylai'r ap gynnwys yr holl wybodaeth yma. Ceir y manylion yn llawn yma:
https://www.gov.uk/government/publications/the-official-hmrc-app/the-free-hmrc-app
Cwestiynau Huw ac Aled: dwi'n weithiwr llawrydd yn y celfyddydau ac wedi gweld gostyngiad sylweddol yn fy incwm dros y flwyddyn diwethaf. Oes cymorth penodol ar gael i bobl sy'n gweithio yn y celfyddydau?
Mae Llywodraeth Cymru wedi cadarnhau bydd y Gronfa Adferiad Diwylliannol i weithwyr llawrydd yn agor ar ddechrau mis Mai. Does dim manylion wedi cael eu cyhoeddi hyd yn hyn ynglŷn â'r amodau na'r swm ariannol fydd ar gael. Bydd y manylion yn cael eu cyhoeddi ar y wefan canlynol, maes o law:
